পেনশন ফান্ড সরকারের ওয়ালেট নয়!

މި މަހުގެ މުސާރަ ދިނުމަށް ފައިސާ ނެތުމުގެ ސަބަބުން، ޕެންޝަން ފަންޑު މެދުވެރިކޮށް 2.4 ބިލިއަން ރުފިޔާގެ ޓީ-ބިލް ބޮންޑަކަށް ބަދަލުކޮށް "ފައިސާ ޗާޕުކުރުމުގެ" މުއާމަލާތެއް ސަރުކާރުން ވަނީ ހިންގާފައެވެ. މި ނިންމުމާ ގުޅިގެން ޕެންޝަން އޮފީހުގެ ތިން އިސްވެރިއަކު މަގާމުން އިސްތިއުފާ ދެއްވާފައިވާއިރު، މިއީ ފަންޑުގެ މިނިވަންކަމަށް އޮތް ނުރައްކަލެއް ކަމަށް ބުނެ ފާޑުކިޔުންތައް ވަނީ އަމާޒުވެފައެވެ. ނުސީދާކޮށް ފައިސާ ޗާޕުކުރުމުގެ ސަބަބުން އިންފްލޭޝަން އިތުރުވެ، ބޭރު ފައިސާގެ ހަގީގީ ރޭޓު އުފުލި، ކުރިއަށް އޮތް މަސްތަކުގެ ތެރޭގައި އިގްތިސާދީ ކާރިސާއަކަށް މަގުފަހިވެގެންގޮސްފިނަމަ، މިކަމުގެ ޒިންމާ ނަގާނެ މީހަކު ނެތްކަމަށް ބުނުމުގެ ފުރުސަތެއް ނެތް.