সৌদি আরবে হামলার নিন্দা জানালো মালদ্বীপ

ސައުދީ އަރަބިއްޔާގެ އާންމުން ދިރިއުޅޭ ސަރަހައްދުތަކަށް އަމާޒުކޮށް ދެމުންދާ ބެލިސްޓިކް މިސައިލް ހަމަލާތައް ދިވެހި ސަރުކާރުން ހަރުކަށި އިބާރާތުން ކުށްވެރިކޮށްފި އެވެ. މި ހަމަލާތަކަކީ ސައުދީ އަރަބިއްޔާގެ އިސްތިގުލާލާއި މިނިވަންކަމަށް އަރައިގަތުމުގެ އިތުރުން، މުޅި ސަރަހައްދީ ސަލާމަތާއި ހަމަޖެހުމަށް އޮތް ނުރައްކަލެއް ކަމަށް ފޮރިން މިނިސްޓްރީން ނެރުނު ބަޔާނެއްގައި ބުނެފައިވެ އެވެ. ސައުދީ ސަރުކާރަށާއި އެ ގައުމުގެ ރައްޔިތުންނަށް ދިވެހިރާއްޖެއިން ފުރިހަމައަށް ތާއީދުކުރާ ކަމަށާއި، އެ ގައުމުން އަޅަމުންދާ ފިޔަވަޅުތަކަށް ފުރިހަމަ އެއްބާރުލުންދޭނެ ކަމުގެ ޔަގީންކަން ދިވެހިރާއްޖެއިން ވަނީ ދީފަ އެވެ. ސަރަހައްދީ ސުލްހަވެރިކަމާއި އަމާންކަން ގާއިމުކުރުމަށް މަޝްވަރާގެ މަގު އިހްތިޔާރުކުރުމަކީ މުހިންމު ކަމެއް ކަމަށް ވެސް ބަޔާނުގައިވެ އެވެ.