সরকারের লক্ষ্য পুনঃএকীকরণের সুযোগ তৈরি করা: আহসান

ސަރުކާރުގެ އެންމެ ބޮޑު އެއް އަމާޒަކީ މަސްތުވާތަކެތީގެ ވަބާއިން ސަލާމަތްވުމަށް ފަރުވާ ހޯދައި، ރިހިބިލިޓޭޓް ވެގެން އަންނަ މީހުން މުޖުތަމަޢުގެ ތެރޭގައި އަލުން ރީއިންޓަރގްރޭޓް ވުމުގެ ފުރުސަތު ހޯދައިދިނުން ކަމަށް މިނިސްޓަރ އޮފް ހޯމްލޭންޑް ސެކިއުރިޓީ، ލޭބަރ އެންޑް ޓެކްނޮލޮޖީ ޢަލީ އިޙްސާން ވިދާޅުވެއްޖެއެވެ. މިނިސްޓަރު އިހްސާން މިފަދައިން ވިދާޅުވީ، ޑްރަގް ކޯޓުގެ ފަރުވާ ޕްރޮގްރާމް ފުރިހަމަކުރި ބައިވެރިންނަށް ހަނދާނީ ލިޔުން ހަވާލުކުރުމުގެ ރަސްމިއްޔާތުގައި ވާހަކަ ދައްކަވަމުންނެވެ. މިރަސްމިއްޔާތުގައި ވާހަކަ ދައްކަވަމުން އިހްސާން ވިދާޅުވީ، އަދުގެ ސަރުކާރުގެ ޑްރަގް ސިޔާސަތުގެ ތެރެއިން ރިހިބިލިޓޭޓް ވެގެން އަންނަ މީހުން މުޖުތަމަޢަށް އަހުލުވެރިކުރުވުމަށް ޚާއްސަ އިސްކަމެއް ދެއްވާ ކަމަށެވެ. ރާއްޖޭގެ އެކި ސަރަޙައްދުތަކުގައި ޤާއިމްކުރާ ރިހެބިލިޓޭޝަން ސެންޓަރުތަކާ ގުޅޭގޮތުން މަޢުލޫމާތު ދެއްވަމުން އިހުސާން ވިދާޅުވީ، ނ. ވެލިދޫގައި ޤާއިމްކުރާ ސެންޓަރުގެ މަސައްކަތްތައް އަންނަ ޑިސެމްބަރު މަހުގެ ތެރޭގައި ނިންމާލެވޭނެ ކަމަށެވެ.