সরকারের প্রতি সোবে: প্রচার কর্মীদের বরখাস্ত বন্ধ করুন

ހިތަދޫ އުތުރު ދާއިރާގެ ބައި-އިލެކްޝަން ކާމިޔާބުކުރެއްވި އަބްދުﷲ ސޯދިގު (ސޯބެ) ގެ ކެމްޕެއިން ޓީމުގައި ހިމެނޭ މީހުން ސަރުކާރުގެ ކުންފުނިތަކުން ވަކިކުރުން ވަގުތުން ވަގުތަށް ހުއްޓާލަން ސަރުކާރަށް އޭނާ ގޮވާލައިފި އެވެ. އޭނާގެ ކެމްޕެއިނުގައި އަދި އޭނާއަށް ވޯޓުދިން ކަމަށް ލަފާކުރެވޭ މީހުންނާ މެދު ފިޔަވަޅު އަޅައި، ވަޒީފާއިން ވަކިކުރުމުގެ އިތުރުން ވަޒީފާއިން ވަކިކުރާނެ ކަމުގެ ބިރު ދެއްކުމުގެ ކަންކަން ސަރުކާރުން ހުއްޓާލަން އެދޭ ކަމަށް ސޯބެ ވިދާޅުވި އެވެ. ސޯބެގެ ކެމްޕެއިންގައި އުޅުނު މީހުންގެ ތެރެއިން ސްޓެލްކޯގައި މަސައްކަތްކުރަމުންދިޔަ މަހްފޫޒް ހުސްނީ ވަނީ އިއްޔެ ވަޒީފާއިން ވަކިކޮށްފަ އެވެ. މީގެއިތުރުން މޯލްޑިވްސް ޓްރާންސްޕޮޓޭޝަން ސޭފްޓީ ބޯޑުގެ ޑިރެކްޓަރުގެ މަގާމުގައި ހުންނެވި އަހުމަދު ޒުހައިރު ސޯބެއާއެކު ފޮޓޯއެއް ނެންގެވި މައްސަލައެއްގައި ވަޒީފާއިން ވަކިކުރުމަށްޓަކައި އޭނާ ފުރުއްވަމުން ގެންދެވި މަގާމު ވެސް ސަރުކާރުން އުވާލި އެވެ.