পতিতাবৃত্তির অভিযোগে বিদেশী গ্রেফতার

ދިވެހިރާއްޖޭގައި ބިދޭސީއަކު، އޭނާ ގެ އަނބިމީހާ ބަންދުކޮށް ހަށިވިއްކުމުގެ ވިޔަފާރި ކުރުވުމުގެ ކުށުގެ ތުހުމަތުގައި ހައްޔަރުކޮށް ބަންދުގެ މުއްދަތު ޖަހައިފި އެވެ. މީހުން ޓްރެފިކް ކުރުމުގެ ތުހުމަތުގައި ބަންގްލަދޭޝް އަށް ނިސްބަތްވާ މުހައްމަދު ނަހީދުލް އިސްލާމް ގެ ބަންދަށް 10 ދުވަސް ޖަހާފައިވާ ކަމަށް ކްރިމިނަލް ކޯޓުން ނެރުނު އަމުރުގައި ބުނެއެވެ. ނަހީދުލްގެ މައްޗަށް ކުރެވޭ ހުރިހާ ތުހުމަތުތަކަކަށް އޭނާ ވަނީ އިންކާރު ކޮށްފަ އެވެ. ނަމަވެސް ފުލުހުން ބުނީ ނަހީދުލްގެ އަނބިމީހާ ކޮޓަރިއެއްގައި ބަންދުކޮށްފައި ބަހައްޓައިގެން އޭނާ ލައްވައި ހަށިވިއްކުމުގެ ކަންކަން ކުރުވާ ކަމަށް އެ އަންހެން މީހާގެ ފަރާތުން މައުލޫމާތު ދީފައިވާ ކަމަށެވެ.