কার্নিভাল স্টেজের চুক্তি বাতিল

ހެންވޭރުގައި ހުންނަ އަލިމަސް ކާނިވަލުގެ ސްޓޭޖް ތަޅާލުމަށްފަހު އާ ސްޓޭޖެއް އަޅަން ބަޔަކާ ހަވާލުކުރުމަށް ފަހު އެ އެގްރީމަންޓް ބާތިލުކުރީ އެ މަސައްކަތް އެހެން ބަޔަކާ ކުރިން ހަވާލުކޮށްފައި އޮތުމުންކަން "މިހާރު" އަށް އެނގިއްޖެ އެވެ. ޔޫއެޗް އިންވެސްޓްމަންޓް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާ އެ މަސައްކަތް ހަވާލުކުރީ މިދިޔަ އަހަރުގެ މާޗް މަހު އެވެ. އެކަމަކު އެ މަސައްކަތް ނުފެށި އުޅެނިކޮށް، އިތުރު އެގްރީމަންޓެއް އޮތްކަން ކައުންސިލަށް އެނގިގެން ޔޫއެޗް އިންވެސްޓްމަންޓާ އެކު ހެދި އެއްބަސްވުން ވަނީ ބާތިލުކޮށްފަ އެވެ. އެ އެއްބަސްވުން ބާތިލުކުރީ ސްޓޭޖް މަރާމާތުކުރަން އެހެން ފަރާތަކާއެކު ކުރިން އެގްރީމަންޓް ހަދާފައި އޮތުމުން ކަމަށް ކައުންސިލްގެ އޮފިޝަލަކު "މިހާރު" އަށް ވިދާޅުވި އެވެ.