ރާއްޖެއާއި ބަންގްލަދޭޝްއާ ދެމެދު ކަނޑުމަގުން ވިޔަފާރި ދަތުރުތަކަށް މަޝްވަރާކޮށްފި

ދިވެހިރާއްޖެއާއި ބަންގްލަދޭޝްއާ ދެމެދު ކަނޑުމަގުން ވިޔަފާރީގެ ދަތުރުތައް ބާއްވަން ދެ ގައުމުގެ ފޮރިން މިނިސްޓަރުން މަޝްވަރާކޮށްފި އެވެ. މި މަޝްވަރާތަކުގެ ތެރެއިން ދެ ގައުމުގެ މެދުގައި މަތީ ފަންތީގެ ދަތުރުތައް ބޭއްވުމާ ގުޅޭގޮތުންނާއި، ދެ ގައުމުގެ ވިޔަފާރި އާއި ގުޅުންތައް ފުޅާކުރުމަށްޓަކައި ސީދާ ކަނޑުމަގުން ދަތުރުފަތުރު ކުރެވޭނެ ނިޒާމެއް ގާއިމުކުރުމާ ގުޅޭގޮތުން ޚިޔާލު ބަދަލުކުރެއްވި އެވެ. ބަންގްލަދޭޝްގެ ފޮރިން މިނިސްޓަރު ވަނީ އެ ގައުމުގެ "ބަންގްލަދޭޝް ފަސްޓް" ޚާރިޖީ ސިޔާސަތު ތަކުރާރުކުރައްވައި، އެކުވެރި ދެ ގައުމުގެ ރައްޔިތުންގެ މެދުގައި އޮންނަ ގުޅުން އިތުރަށް ބަދަހިކުރުމުގެ މުހިންމުކަމުގެ މައްޗަށް އަލިއަޅުއްވާލައްވާފަ އެވެ. ސީދާ ދަތުރުފަތުރުގެ ނިޒާމެއް ގާއިމުކުރެވުމުން، ދެ ގައުމުގެ މެދުގައި މުދާ އުފުލުމަށް ފަސޭހަވެ، އިގްތިސާދީ ގޮތުން ފުޅާ ދާއިރާއެއްގައި އެއްބާރުލުން ދިނުމަށް މަގުފަހިވެގެންދާނެ ކަމަށް ބަޔާނުގައިވެ އެވެ.