މާފުށީ ކައިރީގައި ވައިކުޑައެއް ފަޅައިގެން ނުރައްކާތެރި ހާދިސާއެއް

މާފުށީ ކައިރީގައި މީހަކާ އެކު އެރުވި ފެރަސެއިލިން ވައިކުޑައެއް ގަދަ ވަޔާ އެކު ފަޅައިގެންގޮސް ނުރައްކާތެރި ހާދިސާއެއް ހިނގައިފި އެވެ. މި ހާދިސާގައި މީހަކަށް އަނިޔާއެއް ނުވެ ސަލާމަތްވެފައިވާއިރު، ވައިކުޑަ ފަޅައިގެން ގޮސް އެއްލާފައިވަނީ މާފުށާއި ކުޑަމާފުއްޓާ ދެމެދުގައިވާ ޒިޕްލައިނުގަ އެވެ. ވައިކުޑައިގައި އިން މީހާ ސަލާމަތްކުރީ އެ ސަރަހައްދުގައި އޮތް ޖެޓްސްކީއެއްގައި ތިބި ބައެކެވެ. މި ދުވަސްވަރަކީ ރާއްޖެއަށް މޫސުން ގޯސްވެ، ބައެއް ސަރަހައްދުތަކަށް ވިއްސާރަކުރަމުންދާ ދުވަސްވަރެކެވެ.