ޒަކާތު ފަންޑު ޝަރުޢީ އަސާސްގައި އިންވެސްޓްކުރާނެ

ޒަކާތު ފަންޑުން އިންވެސްޓްކުރަނީ ޝަރުޢީ އަސާސްގައި އޮންނަގޮތަށް ކަމަށާއި ފަގީރުންނާއި މިސްކީނުންގެ ހައްޤަށް އެއްވެސް އުނިކަމެއް ނާންނާނެހެން ކަމަށް ޒަކާތު ހައުސްއިން ބުނެފިއެވެ. ޒަކާތު ފަންޑު ހިންގުމާ ބެހޭ ޤަވާއިދެއް މިއަހަރުގެ މާރިޗު މަހު ވަނީ އެކުލަވާލާފައެވެ. މި ފަންޑުން އިންވެސްޓްކޮށްގެން މިހާރުވެސް އަންނަނީ މުހިންމު މަޝްރޫޢުތަކެއް ކުރިއަށް ގެންދަމުންނެވެ. ފަންޑުގެ ދެފުށް ފެންނަ ގޮތަށް ހިންގުމަށްޓަކައި އަހަރީ ރިޕޯޓު ތައްޔާރުކޮށް ރައީސުލްޖުމްހޫރިއްޔާއަށާއި ރައްޔިތުންގެ މަޖިލީހަށް ހުށަހަޅަން ޖެހޭނެއެވެ.