ރާއްޖޭގެ ހުރިހާ ރަށެއްގައި ފިޓްނަސް ސެންޓަރުތައް އަންނަ އަހަރު ނިމޭނެ

ރައީސް ޑރ. މުޙައްމަދު މުޢިއްޒު ވިދާޅުވީ ރާއްޖޭގެ މީހުން ދިރިއުޅޭ ހުރިހާ ރަށެއްގައި ޒަމާނީ ފެންވަރަށް ތަރައްޤީކުރާ ފިޓްނަސް އެންޑް ރެކްރިއޭޝަން ސެންޓަރުތައް އަންނަ އަހަރުގެ ނޮވެމްބަރު މަހަށް ނިންމައިލެވޭނެ ކަމަށެވެ. މި ދައުރުގެ ތެރޭގައި ރާއްޖޭގެ ހުރިހާ ރަށެއްގައި ޒަމާނީ ފިޓްނަސް ސެންޓަރެއް ޤާއިމުކުރައްވާނެ ކަމުގެ ޔަގީންކަން ރައީސް ވަނީ ދެއްވާފައެވެ. މާލެ ސަރަޙައްދުގައި ވެސް ތަފާތު ކުޅިވަރު ވަސީލަތްތައް ތަރައްޤީކުރުމުގެ ޕްލޭންތައް ރައީސް ހާމަކުރެއްވިއެވެ. ހަމައެކަނި ވެރިރަށް މާލެއަށް ކުޅިވަރު ވަސީލަތްތައް ޖަމާކުރެއްވުމަކީ ސަރުކާރުގެ އަމާޒު ނޫން ކަމަށް ރައީސް ތަކުރާރުކޮށް ވިދާޅުވިއެވެ.