ޝަމްހީދު: ރިޓަޔަރމަންޓް އުމުރު ބަދަލުކޮށް މުވައްޒަފުން ވަކިކުރުން ހަމަނުޖެހޭ

ހުޅުމާލޭ ދެކުނު ދާއިރާގެ މެންބަރު ޑރ. އަހްމަދު ޝަމްހީދު ވިދާޅުވީ، ރާއްޖޭގައި މަސައްކަތްކުރާނެ މީހުން ނެތް ކަމަށް ބުނެ ރިޓަޔަރމަންޓް އުމުރު އިތުރު ކުރުމަށްފަހު ޒުވާން މުވައްޒަފުން ވަޒީފާއިން ކަނޑަމުންދާދިއުން ހަމަނުޖެހޭ ކަމަށެވެ. ސަރުކާރުން ގެންގުޅޭ ސިޔާސަތުތަކުގައި އެއްވެސް ކަހަލަ އެއްގޮތްކަމެއް ނުވަތަ ހަމަޖެހޭ އުސޫލެއް ނެތް ކަމަށް އޭނާ ފާހަގަކުރެއްވި އެވެ. މިފަދަ ސިޔާސަތުތަކުގެ ސަބަބުން ވަޒީފާގެ ބާޒާރަށް ނުކުންނަން ތިބި ޒުވާނުންނަށް އޮތް ފުރުސަތުތައް ހަނިވަމުންދާ ކަމަށްވެސް ވިދާޅުވި އެވެ.