ބްލެކްމެއިލް މައްސަލަ: ކޯޓު ނިންމުންތައް ގޯސްކޮށް ސުޕްރީމް ކޯޓު

އަންހެނަކަށް ހެދިގެން މީހުންގެ ބަރަހަނާ ފޮޓޯ ހޯދައި ބްލެކްމެއިލް ކުރި މައްސަލައެއްގައި ދަށު ކޯޓާއި ހައިކޯޓުގެ ނިންމުންތައް ގޯސް ކަމަށް ސުޕްރީމް ކޯޓުން ކަނޑައަޅައިފި އެވެ. މި މައްސަލާގައި ދައުވާ ލިބޭ މުހައްމަދު ފަވާޒު ލުތުފީގެ މައްޗަށް ކުރި ދައުވާތައް ބޭރުކޮށްލީ ގާނޫނާ ހިލާފަށް ކަމަށް އެންމެ މަތީ ކޯޓުން ވަނީ ހުކުމްކޮށްފަ އެވެ. ސުޕްރީމް ކޯޓުން ވަނީ ކްރިމިނަލް ކޯޓާއި ހައިކޯޓުގެ ނިންމުން ބާތިލް ކޮށް، މައްސަލަ އަލުން ބެލުމަށް ކްރިމިނަލް ކޯޓަށް އަމުރުކޮށްފަ އެވެ.