ކުންފުނިތައް 'ރައިޓް ސައިޒް' ކުރަނީ މިދިޔަ ސަރުކާރު ނިމުނުއިރު މުވައްޒަފުން ތިބި އަދަދަށް: އެމްޑީޕީ

އިދިކޮޅު އެމްޑީޕީން ބުނާގޮތުގައި ދައުލަތުގެ ކުންފުނިތައް 'ރައިޓް ސައިޒް' ކުރުމަށްޓަކައި 33 ޕަސެންޓު މުވައްޒަފުން މަދުކުރަނީ މިދިޔަ ސަރުކާރު ނިމުނުއިރު އެ ކުންފުނިތަކުގައި ވަޒީފާ އަދާކުރަމުންދިޔަ މުވައްޒަފުންގެ އަދަދަށެވެ. ޕްރައިވަޓައިޒޭޝަން ބޯޑުން ވަނީ މި ހިނގާ ޖުލައި 13، ވަނަ ދުވަހުން ފެށިގެން ކުރިއަށް އޮތް ތިން މަސްދުވަހުގެ ތެރޭގައި ކުންފުނިތަކުން 33 ޕަސެންޓު މަދުކުރުމަށް އަންގާފަ އެވެ. ކުރީގެ ޗެއާޕާސަން ހަސަން ލަތީފް ވިދާޅުވީ މި ސަރުކާރުން ކުންފުނިތައް 'ރޯންގް ސައިޒް' ކުރި ކަމަށާއި އެމްޑީޕީގެ ސަރުކާރުގައި ކުންފުނިތަކުގައި ތިބި މުވައްޒަފުންގެ އަދަދު ގޯހެއް ނޫން ކަމަށެވެ.