ހުޅުމާލެ ދެވަނަ ފިޔަވަހީގެ ކަރަންޓުގެ ވިއުގަ އަޕްގްރޭޑް ކުރަނީ

ސްޓެލްކޯއިން ވަނީ ހުޅުމާލެ ދެވަނަ ފިޔަވަހީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތްތައް މާދަމާއިން ފެށިގެން ކުރިއަށްދާނެކަމަށް ބުނެފައެވެ. މި މަސައްކަތްތައް ކުރިއަށްދާ ވަގުތުތަކުގައި ކަރަންޓުގެ ޚިދުމަތް ކުރުގެ ވަގުތުކޮޅަކަށް މެދުކެނޑުމަކީ އެކަށީންގެންވާ ކަމެއްކަމަށް ސްޓެލްކޯއިން ބުނެއެވެ. މި މަސައްކަތްތަކަކީ ދިގު މުއްދަތަކަށް ރައްޔިތުންނަށް ފޯރުކޮށްދޭ ޚިދުމަތުގެ ފެންވަރު ރަނގަޅު ކުރުމަށްޓަކައި ކުރެވޭ ކަމެއްކަމަށް ވެސް އެކުންފުނިން ފާހަގަކުރެއެވެ.