ކުޑަކުދިންގެ ޖިނާއީ އަދުލުގެ ނިޒާމުގައި ކަންބޮޑުވުންތައް މަޖިލީހަށް

ގަލޮޅު އުތުރު ދާއިރާގެ މެންބަރު މުހައްމަދު އިބްރާހިމް (ކުޑޫ) ވަނީ ކުޑަކުދިންގެ ޖިނާއީ އަދުލުގެ ގާނޫނު ތަންފީޒުކުރުމުގައި ހުރި ކަންބޮޑުވުންތަކާ އެކު އިދާރާތަކާ ސުވާލުކޮށް މަޝްވަރާކުރަން ރައްޔިތުންގެ މަޖިލީހަށް ހުށަހަޅާފައެވެ. ގާނޫނު ތަންފީޒުކުރުމުގައި ޖުވެނައިލް ޑިޓެންޝަން ސެންޓަރުތަކާއި ކުޑަކުދިން ރިހެބިލިޓޭޓްކުރާ މަރުކަޒުތައް ގާނޫނުގައިވާ މިންގަނޑަށް ފުރިހަމައަށް ގާއިމުވެފައި ނެތުމާއި، ޑައިވާޝަން ޕްރޮގްރާމްތައް ފުޅާ ދާއިރާއެއްގައި ނުހިނގުމާއި، ތަމްރީނުކުރުމުގައި ލަސްތަކެއް ހުރުމާއި، ސޯޝަލް ވޯކަރުން މަދުވުމުގެ މައްސަލަތައް ފާހަގަކޮށްފައިވެ އެވެ. ކުޑަކުދިންގެ އަދުލުގެ ގާނޫނު ތަންފީޒުކުރުމަށްޓަކައި ޑިޕާޓްމެންޓް އޮފް ޖުވެނައިލް ޖަސްޓިސް އަދި ޖުވެނައިލް ކޯޓު އުފައްދާފައިވީ ނަމަވެސް އެ މުއައްސަސާތަކަށް އެކަށީގެންވާ ބަޖެޓާއި ވަސީލަތްތައް ފޯރުކޮށެއްނުދެ އެވެ. މި މައްސަލައާ ގުޅޭ ގޮތުން ސުވާލުކުރަން ހޯމް މިނިސްޓްރީ، ހެލްތު މިނިސްޓްރީ އަދި ކަމާ ގުޅޭ އެހެން އިދާރާތައް މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީއަށް ހާޒިރުކޮށްދިނުމަށް އެދިވަޑައިގެންފައިވެ އެވެ.