ޝަމްހީދު: ސަރުކާރުން މަޝްރޫއުތަކަށްވުރެ އިވެންޓުތަކަށް އިސްކަންދެނީ

ހުޅުމާލޭ ދެކުނު ދާއިރާގެ މެންބަރު ޑރ. އަޙުމަދު ޝަމްހީދު ވިދާޅުވީ ސަރުކާރުން ރައްޔިތުންނަށް ބޭނުންވާ ތަރައްގީގެ މަޝްރޫއުތައް ހިންގުމުގެ ބަދަލުގައި، އެކި މުއައްސަސާތަކުން ވާދައަށް އިވެންޓުތައް ބާއްވަމުންދާ ކަމަށެވެ. ސަރުކާރުގެ ވެބްސައިޓުން ފެންނަނީ ހުސް އިވެންޓުތަކުގެ ފޮޓޯތަކާއި ވީޑިއޯތައް ކަމަށާއި، އެއިން ރައްޔިތުންނަށް ބޭނުންވާ ހަގީގީ ނަތީޖާއެއް ނުނެރެވޭ ކަމަށް އޭނާ ފާހަގަކުރެއްވި އެވެ. މިފަދަ އިވެންޓުތަކަށް ދައުލަތުގެ ބަޖެޓުން މިލިއަނުން ޚަރަދުކުރުމަކީ ބަލައިގަނެވޭނެ ކަމެއް ނޫން ކަމަށް ޝަމްހީދު ވިދާޅުވި އެވެ.