ޕާލް ރެސިޑެންސީ ވިސާ ހުއްޓަވަން މަޖިލީހަށް ގަރާރު

ބޮޑެތި އިންވެސްޓްތައް ކުރާ އިންވެސްޓަރުންނަށް ހާއްސަ ކޮށްގެން ތައާރަފްކުރާ ޕާލް ރެސިޑެންސީ ވިސާ ދިނުމުގެ އުސޫލަށް ބޮޑެތި ތުހުމަތުތަކެއްކޮށް، އެކަން ހުއްޓުވަން އިދިކޮޅު މެމްބަރަކު ރައްޔިތުންގެ މަޖިލީހަށް ގަރާރެއް ހުށަހަޅުއްވައިފި އެވެ. މި ޕްރޮގްރާމްއާ މެދު ބޮޑެތި ތުހުމަތަކެއްކޮށް އެކަން ހުއްޓުވަން ރައްޔިތުންގެ މަޖިލީހަށް ގަރާރެއް ހުށަހެޅުއްވީ ހުޅުމާލޭ ދެކުނު ދާއިރާގެ މެންބަރު އަހްމަދު ޝަމްހީދެވެ. ގަރާރުގައި ބުނެފައިވާ ގޮތުން މިފަދަ މަޝްރޫއުތަކުގެ ސަބަބުން ދައުލަތުގެ ތެރޭގައި އެކި އިދާރީ އަދި ގާނޫނީ ބާރުތަކެއް ލިބިގެންވާ 'ވަކި ދައުލަތެއް' އުފެދި ގާނޫނުއަސާސީން ކަށަވަރުކޮށްދޭ ސިޔާދަތީ ބާރުތަކަށް އުނިކަން އަތުވެދާނެ ކަމުގެ ބިރު އެބަ އޮތެވެ.