މިދިޔަ ހަފްތާގައި 23 ކުއްލި ނުރައްކަލުގެ ހާދިސާ: އެމްއެންޑީއެފް

މިދިޔަ ހަފްތާގެ ތެރޭގައި ރާއްޖޭގެ އެކި ސަރަހައްދުތަކުގައި ކުއްލި ނުރައްކަލުގެ 23 ހާދިސާއެއް ހިނގާފައިވާ ކަމަށް އެމްއެންޑީއެފުން ބުނެފި އެވެ. އެންމެ ގިނައިން ހިނގާފައިވަނީ އަލިފާނުގެ ހާދިސާ ކަމަށާއި، އެގޮތުން 12 އަލިފާނުގެ ހާދިސާއެއް ހިނގާފައިވާ ކަމަށް އެމްއެންޑީއެފުން ބުނެ އެވެ. މީގެ އިތުރުން 4 މެޑިކަލް އިވެކުއޭޝަން ހިންގާފައިވާއިރު، ނުރައްކާތެރި މާއްދާއެއް އެކުލެވޭ އެއް ހާދިސާއެއް ހިނގާފައިވެ އެވެ. މިހާދިސާތައް ހިނގި ސަރަހައްދުތަކަށް ބަލާއިރު، އެންމެ ގިނަ ހާދިސާ ހިނގާފައިވަނީ މާލެސިޓީގަ އެވެ.