އީރާނުން ކުވެއިތުގެ ކަރަންޓާއި ފެން ޕްލާންޓަށް ހަމަލާދީފި

އީރާނުން ވަނީ ކުވެއިތުގެ ކަރަންޓާއި ފެން އުފައްދާ އިތުރު ޕްލާންޓަކަށް ހަމަލާދީ، އޭގެ ބައެއް ޔުނިޓްތައް މަސައްކަތް ނުކުރާ މިންވަރަށް ހަލާކުކޮށްލާފައިވާ ކަމަށް ބުނެފަ އެވެ. މި ހަމަލާގެ ސަބަބުން ކަރަންޓާއި ފެން ސާފުކުރާ ޕްލާންޓުގެ ބައެއް ބައިތަކުގައި އަލިފާން ރޯވެ، ކަރަންޓު އުފައްދާ ބައެއް ޔުނިޓްތަކުގެ މަސައްކަތް މެދުކަނޑާލަން ޖެހިފައިވާ ކަމަށް ކުވެއިތުގެ މިނިސްޓްރީ އޮފް އިލެކްޓްރިސިޓީ އެންޑް ވޯޓާ އިން ބުނެއެވެ. މި ހަމަލާތަކާ ގުޅިގެން ކުވެއިތުގެ އިންޓަނޭޝަނަލް އެއާޕޯޓުގެ އޮޕަރޭޝަންތައް ވަގުތީ ގޮތުން މެދުކަނޑާލުމަށްފަހު ގިނަ ފްލައިޓްތަކެއްގެ ގަޑިތަކަށް ބަދަލު ގެނެސްފައިވެ އެވެ.