ވާދޫގެ ފެނާއި ނަރުދަމާ މަޝްރޫއު ނުނިމޭ ކަމަށް އަމީތު ވިދާޅުވީ

ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ގދ.ވާދޫގެ ފެނާއި ނަރުދަމާގެ މަޝްރޫއު ނިންމި ނަމަވެސް މިހާތަނަށް އެމަޝްރޫއުގެ ޚިދުމަތް މިސަރުކާރުގައި ފޯރުކޮށްދެވިފައިނުވާ ކަމަށާއި، މިއީ ކަންބޮޑުވާ ބޮޑު މައްސަލައެއް ކަމަަށް ރައްޔިތުންގެ މަޖިލީހުގެ މަޑުއްވަރީ ދާއިރާގެ ކުރީގެ މެންބަރު މުހައްމަދު އަމީތު ވިދާޅުވެއްޖެ އެވެ. އަމީތު ވިދާޅުވީ މިސަރުކާރާއެކު ވާދޫގެ ތަރައްގީއަށް ވަރަށް ބޮޑަށް ހުރަސް އެޅިފައިވާ ކަމަށެވެ. ވާދޫގެ ޕޮލިސް ސްޓޭޝަން، ސްކޫލްގެ މަލްޓިޕާޕަސް ހޯލް، ހެލްތު ސެންޓަރުގެ އެކްސްޓެންޝަން އިމާރާތް އަދި އިންޖީނުގެ މަސައްކަތްތައްވެސް ކުރިއަށް ނުދާ ކަމަށް އޭނާ ފާހަގަކުރެއްވި އެވެ. މިސަރުކާރާއެކު މަޝްރޫއުތައް ކުރިއަށްދާނެ ކަމުގެ އުއްމީދެއް ނެތް ކަމަށާއި، ރައީސް މުއިއްޒަކީ ވައުދު ފުއްދަވާ ވެރިއެއް ނޫން ކަމަށް އަމީތު ވިދާޅުވި އެވެ.