ފުވައްމުލަކުގައި ރާއްޖޭގެ ފުރަތަމަ ޝާކް ހަބް ހުޅުވައިފި

ރާއްޖޭގެ ފުރަތަމަ "ޝާކް ރިސާޗް އެންޑް ކޮންޒަވޭޝަން ހަބް" ފުވައްމުލައް ސިޓީގައި "ދަ މިޔަރު ޕްރޮގްރާމް" އިން ވަނީ އިއްޔެ ހުޅުވައިފައެވެ. މި މަރުކަޒަކީ ދިރާސާކުރުމާއި، ތައުލީމު އުނގަންނައިދިނުމާއި، އައު އީޖާދުތަކަށް މަގުފަހިކޮށްދޭ ތަނެކެވެ. މިޔަރު ޕްރޮގްރާމުން ބުނީ މި މަރުކަޒަކީ ރިސާޗަރުންނާއި، ދަރިވަރުންނާއި، ޑައިވް ޕްރޮފެޝަލުންނާއި، ލޯކަލް ކޮމިއުނިޓީތައް އެއްތަނަކަށް ޖަމާވެ، އެކި ޕްރޮޖެކްޓްތަކަށް މަސައްކަތްކުރާނެ ތަނެއް ކަމަށެވެ. މި މަރުކަޒުން ރިސާޗް ފެސިލިޓީތަކާއި، އެޑިއުކޭޝަނަލް ޑިސްޕްލޭތަކާއި، ސިޓިޒަން ސައިންސް އަދި ޓީމް ވޯކް ހަބެއް ފެނިގެންދާނެއެވެ.