މިޔަރުގެ ދިރާސާތަކަށް ފުވައްމުލަކުގައި ސެންޓަރެއް ހުޅުވައިފި

މިޔަރުގެ ދިރާސާތައް ކުރުމަށް ރާއްޖޭގެ ފުރަތަމަ ހަބް ފުވައްމުލަކުގައި އިއްޔެ ހުޅުވައިފި އެވެ. "ޝާކް ރިސާޗް އެންޑް ކޮންޒަވޭޝަން ހަބް"ގެ ނަމުގައި އެ ސެންޓަރު ހުޅުވައިދެއްވީ ފުވައްމުލަކުގެ މޭޔަރު އިސްމާއިލް ރަފީގެ އެވެ. މި ސެންޓަރުން މިޔަރުގެ ދިރާސާތައް ކުރުމާއި އެކަމާ ގުޅޭގޮތުން ކިޔަވައިދީ އަދި އާ އީޖާދުތަކަށް މަގުފަހިކޮށްދޭނެ ކަމަށް އެ ކައުންސިލުން ބުނެ އެވެ.