ޓްރަމްޕް: އެމެރިކާގެ އިންތިޚާބީ ނިޒާމު ކޮރަޕްޓުވެފައި

ޑޮނަލްޑް ޓްރަމްޕް ވިދާޅުވީ އެމެރިކާގެ އިންތިޚާބީ ނިޒާމަކީ ކޮރަޕްޝަން އަށަގެންފައިވާ ނިޒާމެއް ކަމަށާއި، އެ ނިޒާމަކީ ދިފާއު ކުރެވޭނެ ފަދަ ނިޒާމެއް ނޫން ކަމަށެވެ. ވޯޓުލާ މީހުންގެ ދަފުތަރުގައި ރައްޔިތުން ނޫން މީހުންނާއި މަރުވެފައިވާ މީހުން ވެސް ހިމެނޭ ކަމަށް އޭނާ ތުހުމަތު ކުރެއްވި އެވެ. އިންޓެލިޖެންސް އެސެސްމަންޓަކާ ހަވާލާދީ ޓްރަމްޕް ވިދާޅުވީ އެމެރިކާގެ ދުޝްމަނުންނަށް އިންތިޚާބީ އޮނިގަނޑަށް ނުފޫޒު ފޯރުވުމުގެ ގާބިލުކަން ލިބިފައިވާ ކަމަށެވެ. ނަމަވެސް މި ތުހުމަތުތަކަށް އެއްވެސް ހެއްކެއް ނުދެއްކޭ ކަމަށް މާހިރުން ބުނެ އެވެ.