ޓްރެފިކް މައްސަލަ ކައުންސިލްގެ ޒިންމާ: މޭޔަރު

މާލޭގެ ޓްރެފިކް މައްސަލަ ހައްލުކުރުމަކީ މާލެ ސިޓީ ކައުންސިލްގެ ޒިންމާއެއް ކަމަށާއި، އެއީ ސަރުކާރުން ޒިންމާވާންޖެހޭ ކަމެއް ނޫން ކަމަށް މާލެ ސިޓީގެ މޭޔަރު އާދަމް އާޒިމް ވިދާޅުވެއްޖެ އެވެ. މި މައްސަލަ ހައްލުކުރުމަށް ޔޫއެންއެސްކެޕްއާ ގުޅިގެން ކައުންސިލުން މަސައްކަތްތަކެއް ކުރަމުން އަންނަ ކަމަށާއި، ސަރުކާރުން ކުރަންޖެހޭ ކަމަކީ ކައުންސިލަށް އެހީތެރިކަން ފޯރުކޮށްދިނުން ކަމަށް މޭޔަރު ވިދާޅުވި އެވެ. ރައްޔިތުންނަށްޓަކައި މި ކަމުގައި އެކުގައި މަސައްކަތްކުރަން ކައުންސިލް އަބަދު ވެސް އޮންނާނީ ތައްޔާރަށް ކަމަށް ވެސް މޭޔަރު ވިދާޅުވި އެވެ.