އިސްރާއީލުގެ ނުފޫޒު އެމެރިކާގެ ސިޔާސަތަށް: ނައިބު ރައީސް

އީރާނާއެކު ކުރަމުންދާ ހަނގުރާމަ ހުއްޓާލުމަށް އެމެރިކާއިން އެކުލަވާލި އެއްބަސްވުމާ ދެކޮޅަށް އެމެރިކާގެ އާންމު ރައްޔިތުންގެ ޚިޔާލު ބަދަލުކުރުމަށް އިސްރާއީލު ސަރުކާރުގެ ބައެއް މެންބަރުން މަސައްކަތް ކޮށްފައިވާ ކަމަށް އެމެރިކާގެ ނައިބު ރައީސް ޖޭޑީ ވޭންސް ވިދާޅުވެއްޖެ އެވެ. މިފަދަ ނުފޫޒު ފޯރުވުމުގެ ކެމްޕޭންތަކުގެ ސަބަބުން އެމެރިކާގެ ސިޔާސީ ނިންމުންތަކަށް އަސަރުކުރާ ހިސާބަށް ކަންކަން ދިއުމުން އޭނާ ކަންބޮޑުވެ އެވެ. އިސްރާއީލުގެ ވެރިކަމުގެ ތެރޭގައި ތިބި ބައެއް ފަރާތްތަކުން ހަނގުރާމަ މުއްދަތެއް ނެތް ގޮތަށް ކުރިއަށް ގެންދިއުމަށްޓަކައި އެމެރިކާގެ އާންމު ރައްޔިތުންގެ ޚިޔާލަށް ނުފޫޒު ފޯރުވަން މަސައްކަތް ކުރާކަން ކަށަވަރުވާ ކަމަށް ވޭންސް ވިދާޅުވި އެވެ.