ޔޫރަޕިއަން ޔޫނިއަން ސަފީރުކަމަށް ދިޔާނާ ސައީދު އައްޔަންކުރަން ފެންނަނީ

ރައްޔިތުން މަޖިލީހުގެ ހާރިޖީ ގުޅުންތަކާ ބެހޭ ކޮމިޓީން ވަނީ ޔޫރަޕިއަން ޔޫނިއަން (އީޔޫ) އާއި ބެލްޖިއަމަށް ރާއްޖޭން ކަނޑައަޅާ ސަފީރުކަމަށް ކުރީގެ ބަންޑާރަނައިބު ފާތިމަތު ދިޔާނާ ސައީދު އައްޔަންކުރަން ފެންނަކަމަށް ނިންމާފައެވެ. ކޮމިޓީން ނިންމީ ދިޔާނާ އެ މަގާމަށް ގާބިލް ކަމަށެވެ. ރައީސުލްޖުމްހޫރިއްޔާ މިމަހުގެ ހަތްވަނަ ދުވަހު ވަނީ ދިޔާނާގެ ނަން މަޖިލީހަށް ހުށަހަޅުއްވާފައެވެ. ދިޔާނާ ވަނީ ކުރިން ބަންޑާރަނާއިބު ކަމާއި ސާކުގެ ސެކްރެޓަރީ ޖެނެރަލް ކަމުގެ މަގާމުވެސް ފުރުއްވާފައެވެ.