އެމެރިކާއިން ސައޫދީއަށް ހަތިޔާރު ވިއްކަން ހުއްދަ ދީފި

މެދުއިރުމަތީގައި ހަނގުރާމަ ވަރުގަދަވަމުން ދާއިރު، ސައުދީ އަރަބިއްޔާގެ ދިފާއީ ނިޒާމު ވަރުގަދަކުރުމަށް 1.96 ބިލިއަން ޑޮލަރުގެ ހަތިޔާރު ވިއްކުމަށް އެމެރިކާއިން ހުއްދަ ދީފިއެވެ. މި ހުއްދައިގެ ސަބަބުން ގަލްފު ސަރަހައްދުގެ ސިޔާސީ ހަމަޖެހުމާއި އިގްތިސާދީ ކުރިއެރުމަށް މަސައްކަތްކުރާ އެމެރިކާގެ މުހިންމު ބައިވެރިއެއްގެ ސަލާމަތީ ކަންކަން ރަނގަޅުވެ، އެމެރިކާގެ ހާރިޖީ ސިޔާސަތާއި ގައުމީ ސަލާމަތުގެ މަގްސަދުތަކަށް ބާރުލިބޭނެ ކަމަށް ސްޓޭޓް ޑިޕާޓްމަންޓުން ބުނެއެވެ. މި ހަތިޔާރުތައް ވިއްކުމުގެ ސަބަބުން އެމެރިކާގެ ދިފާއީ ތައްޔާރީތަކަށް އެއްވެސް ނޭދެވޭ އަސަރެއް ނުކުރާނެ ކަމަށް ވެސް ބަޔާނުގައިވެ އެވެ.