އެޗްޑީސީގެ އެމްޑީއާ ބައްދަލުކުރަން ދިޔަ ސިޓީ ކައުންސިލް މެންބަރުންނަށް ހުރަސް

ހުޅުމާލޭގެ މުނިސިޕަލް ހިދުމަތްތަކާ ގުޅޭގޮތުން އެޗްޑީސީގެ އެމްޑީއާ ބައްދަލުކުރަން މާލެ ސިޓީ ކައުންސިލްގެ މެންބަރުން ދިޔުމުން އެ ކުންފުނީގެ ސެކިއުރިޓީން ވަނީ ހުރަސްއަޅާފައެވެ. މާލެ ސިޓީ ކައުންސިލްގެ މޭޔަރު އާދަމް އާޒިމް ވިދާޅުވީ ހުޅުމާލޭގެ މުނިސިޕަލް ހިދުމަތްތައް މާލެ ސިޓީ ކައުންސިލާ ހަވާލުކުރުމުގެ މަސައްކަތް ކުރިއަށް ނުގެންދާތީ މި ބައްދަލުވުމަށް އެދިވަޑައިގަތީ ކަމަށެވެ. ސެކިއުރިޓީން ހުރަސްއެޅުމުން އެމްޑީއާ ބައްދަލުނުކުރެވުނު ކަމަށާއި، އެޗްޑީސީގެ ކައުންޓަރާ ހަމައަށް ވެސް ދިޔުމަށް ހުރަސްއެޅި ކަމަށް އާޒިމް ވިދާޅުވިއެވެ.