އެމެރިކާއިން އީރާނުގެ ދެކުނުގެ ސަރަހައްދުތަކަށް ހަމަލާދީފި

އީރާނުގެ އިސްލާމިކް ރިވޮލިއުޝަނަރީ ގާޑް ކޯޕްސް (އައި.އާރު.ޖީ.ސީ) އިން އިންޒާރު ދީފައި ވަނިކޮށް، އެމެރިކާއިން އަނެއްކާވެސް އީރާނުގެ ދެކުނުގެ ސަރަހައްދުތަކަށް އުދުވާނީ ހަމަލާތަކެއް ދީފި އެވެ. މި ހަމަލާތަކަކީ އެމެރިކާގެ ރައީސް ޑޮނަލްޑް ޓްރަމްޕްގެ އަމުރުފުޅަށް ދެވޭ ހަމަލާތަކެއް ކަމަށާއި، ހުރްމުޒް ކަނޑުއޮޅި ކޮންޓްރޯލް ކުރުމަށް އީރާނުން ކުރާ މަސައްކަތްތައް ހުއްޓުވުމަށް ދެވޭ ހަމަލާތަކެއް ކަމަށް އެމެރިކާއިން ބުނެ އެވެ. މި ހަމަލާތަކުގެ ސަބަބުން ލިބުނު ގެއްލުންތައް ބެލުމަށް އިމަޖެންސީ ޓީމުތަކާއި ފަންނީ މާހިރުން ވަނީ އެ ސަރަހައްދުތަކަށް ފޮނުވާފަ އެވެ.