އަތޮޅު ކައުންސިލް ނެތި އަތޮޅެއް ނު ކުރިއަރާ: ނިމާލު

މ. އަތޮޅު ކައުންސިލްގެ ކުރީގެ ރައީސް މުހައްމަދު ނިމާލު ވިދާޅުވީ އަތޮޅު ކައުންސިލްއާ ނުލައި އަތޮޅެއް ތަރައްގީވެ ކުރިއަށް ނުދާނެ ކަމަށެވެ. ރައީސް ޑރ.މުހައްމަދު މުއިއްޒުގެ ސަރުކާރުން ލާމަރުކަޒީ ނިޒާމު ފުނޑާލުމަށް ކުރަމުންދާ މަސައްކަތްތަކަށް ފާޑު ވިދާޅުވެ، އަތޮޅު ކައުންސިލްތައް އުވާލުމަށް ސަރުކާރުން ދެއްކީ ބަހަނާ ކަމަށާއި، ރަނގަޅު އެންމެ ސަބަބެއް ވެސް ދެއްކިފައިނުވާ ކަމަށް ވިދާޅުވި އެވެ. ހަރަދު ކުޑަ ކުރުމަށް އަތޮޅު ކައުންސިލްތައް އުވާލި ކަމަށް ސަރުކާރުން ބުނާ ވާހަކަތަކަށް ރައްދު ދެއްވައި ނިމާލު ވިދާޅުވީ އެއީ އެއްވެސް ތާކުންތާކު ނުޖެހޭ ވާހަކައެއް ކަމަށެވެ.