އީ-ވޯޓިން ނިޒާމަކަށް ދިޔުމަށް ރާއްޖެ ތައްޔާރެއް ނޫން: ޝަކީލު

އިލެކްޝަންސް ކޮމިޝަންގެ ރައީސް މުހައްމަދު ޝަކީލު ވިދާޅުވީ ރާއްޖޭގެ ވޯޓިން ނިޒާމު އިލެކްޓްރޯނިކް ވޯޓިން (އީ-ވޯޓިން) ނިޒާމަކަށް ބަދަލުކުރުމަށް ދިވެހި މުޖުތަމައު އޮތީ ތައްޔާރަށް ނޫން ކަމަށެވެ. އީ-ވޯޓިންއަށް ދިޔުމަށް އޮތް އެންމެ ބޮޑު ހުރަހަކީ ރައްޔިތުންގެ ހޭލުންތެރިކަން އެފަދަ ވޯޓިން ނިޒާމަކާމެދު ނެތުމެވެ. ރައްޔިތުން ހޭލުންތެރިކޮށް، އެކަމަށް ތައްޔާރުކަން ހާމަވާ ހިސާބުން އީވޯޓިންއަށް ދިޔުމަކީ އެންމެ ރަނގަޅު ނިންމުމެއް ކަމަށް ޝަކީލު ވިދާޅުވި އެވެ.