ޕާކިސްތާންގެ ބޮޑު ވަޒީރު ސުލްޙަ ދެމެހެއްޓުމަށް ގޮވާލެއްވައިފި

އެމެރިކާ އާއި އީރާންއާ ދެމެދު އޮތް ހަނގުރާމަ ހުއްޓާލުމުގެ އެއްބަސްވުން ނާޒުކު ޙާލަތަކަށް ގޮސްފައިވާއިރު، ބުރަ މަސައްކަތުން ހޯދި ސުލްޙަ ދެމެހެއްޓުމަށް ޕާކިސްތާންގެ ބޮޑު ވަޒީރު ޝެހްބާޒް ޝަރީފް ގޮވާލައްވައިފި އެވެ. އީރާންގެ ރައީސް މަސްއޫދު ޕެޒެޝްކިއާންއާ މަޝްވަރާ ކުރެއްވުމަށް ފަހު އެކްސްގައި ކުރެއްވި ޕޯސްޓެއްގައި ޕާކިސްތާންގެ ބޮޑު ވަޒީރު ވިދާޅުވީ، ސަރަހައްދީ ޙާލަތު ދަނީ ވަރަށް ބޮޑަށް ބަދަލުވަމުން ކަމަށެވެ. މިފަދަ ދަނޑިވަޅެއްގައި އެންމެ މުހިންމީ ހަރުދަނާކަމާ އެކު ކަންކަން ކުރިއަށް ގެންގޮސް، ވާހަކަ ދައްކައިގެން ޑިޕްލޮމަސީގެ މަގު ބޭނުން ކުރުން ކަމަށެވެ. ސަރަހައްދީ ސުލްޙަ ދާއިމީކޮށް ދެމެހެއްޓުމަށް ޕާކިސްތާން އިން ތައްޔާރަށް އޮތް ކަމަށާއި، އިޚުލާސްތެރި އަދި ހަގީގީ މެދުވެރިއެއްގެ ގޮތުގައި އެ ޤައުމު މަސައްކަތް ކުރާނެ ކަމަށް ވިދާޅުވިއެވެ.