ޑެޕިއުޓީ މިނިސްޓަރުގެ މައްސަލަ ފުލުހުން ބަލަން ފަށައިފި

ފްލެޓް ހޯދައިދޭނެ ކަމަށް ބުނެ މިލިއަނުން ފައިސާ ނެގި ކަމަށް ތުހުމަތު ކުރެވޭ ފިޝަރީޒް މިނިސްޓްރީގެ ޑެޕިއުޓީ މިނިސްޓަރު މުހައްމަދު ޔަސީންގެ މައްސަލަ ފުލުހުން ބަލަން ފަށައިފި އެވެ. މައުލޫމާތު ލިބިފައިވާ ގޮތުގައި މި މައްސަލަ ފެންމަތިވުމުން އޭނާ ވަނީ މަގާމުން ވަކިކޮށްފަ އެވެ. ފުލުހުން ބުނީ މަކަރާއި ހީލަތުން ބައެއްގެ އަތުން ފައިސާ އަތުލާފައިވާ ކަމަށް ތުހުމަތު ކުރެވޭ މައްސަލައެއް ފުލުހުންގެ ސަމާލުކަމަށް އައުމާ ގުޅިގެން މި މައްސަލަ ތަހުގީގު ކުރަމުންދާ ކަމަށެވެ.