އަތޮޅު ކައުންސިލްތައް އުވާލުމަކީ ލާމަރުކަޒީ ނިޒާމު ކަފުން ކުރުން: މުލަކު ކައުންސިލް ރައީސް

މުލަކު ކައުންސިލްގެ ރައީސް އަހުމަދު ޖަމާލު ވިދާޅުވީ އަތޮޅު ކައުންސިލްތައް އުވާލުމަކީ ލާމަރުކަޒީ ނިޒާމު ކަފުން ކުރުން ކަމަށެވެ. ރައީސް މުއިއްޒުގެ ސަރުކާރުން ލާމަރުކަޒީ ނިޒާމަށް ގެނެސްފައިވާ ބަދަލުތަކަށް އޭނާ ވަނީ ފާޑު ކިޔާފަ އެވެ. ކުރީގެ ސަރުކާރުގައި ކައުންސިލްތަކުން ރަށުގެ ތަރައްގީއަށް ގިނަ މަސައްކަތްތައް ކޮށްފައިވާ ކަމަށާއި، މި ސަރުކާރުން ގެންނަ ބަދަލުތަކުން މަސައްކަތްތަކަށް ހުރަސް އެޅިފައިވާ ކަމަށް ވެސް އޭނާ ވިދާޅުވި އެވެ.