ޝައިހް އިބްރާހިމް އިސްތިއުފާ ދެއްވައިފި

ތައުލީމީ ދާއިރާއިން ހިދުމަތްކުރެއްވުމަށްޓަކައި އިސްލާމީ މަރުކަޒުގެ އިމާމުކަމުގެ މަގާމުން ޝައިހް އިބްރާހިމް ރަޝީދު ހަސަން އިސްތިއުފާ ދެއްވައިފި އެވެ. އޭނާ ފޭސްބުކްގައި ކުރެއްވި ޕޯސްޓެއްގައި ވިދާޅުވީ، އިސްލާމީ މަރުކަޒުގެ އިމާމުކަން ހަތް އަހަރު އަދާކުރެއްވުމަކީ ލިބިވަޑައިގެންނެވި ވަރަށް ބޮޑު ޝަރަފެއް ކަމަށެވެ. މިހާރު މަސައްކަތްކުރައްވަނީ އިސްލާމިކް ޔުނިވާސިޓީގައެވެ. މި ނިންމުމަށް ސޯޝަލް މީޑިއާގައި ގިނަ ބަޔަކު ވަނީ މަރުހަބާ ކިޔައިފަ އެވެ.