ޝައްކުވާ މުއްސަނދިންގެ މައުލޫމާތު ދޭން ފުލުހުން އެދެފި

ސްރީ ލަންކާ ފުލުހުން ވަނީ އާމްދަނީ ލިބޭނެ ވަސީލަތެއް ނޭނގި، އަގު ބޮޑު މުދާ ކުއްލިއަކަށް ހޯދާފައިވާ މީހުންގެ މައުލޫމާތު ރިޕޯޓުކުރުމަށް އާންމުންގެ ކިބައިން އެދިފަ އެވެ. ގާނޫނާ ހިލާފަށް ހޯދާފައިވާ މުދަލާއި ފައިސާއާ ގުޅޭގޮތުން ހިންގަމުންދާ ތަހުގީގުތަކުގެ ދަށުން، މިފަދަ މައްސަލަތައް ވަރަށް ގާތުން ބަލަމުންދާ ކަމަށް ފުލުހުން ބުނެ އެވެ. މަސްތުވާތަކެތީގެ ވިޔަފާރި އާއި އެ ނޫން ވެސް ގާނޫނާ ހިލާފު އެކިއެކި އަމަލުތަކުން ހޯދާފައިވާ ކަމަށް ބެލެވޭ މުދަލަށް މި ތަހުގީގުތަކުގައި އަމާޒުކުރެ އެވެ.