ސަރުކާރަކީ މަދިރި އަކަށްވުރެ ބަލި ސަރުކާރެއް: މެންބަރު ސަމީރު

ތޮއްޑޫ ދާއިރާގެ މެންބަރު ހުސެއިން ސަމީރު ވިދާޅުވީ ރައީސް މުއިއްޒުގެ ސަރުކާރަކީ މަދިރި އަކަށްވުރެ ބަލި ސަރުކާރެއް ކަމަށެވެ. މި ސަރުކާރުގެ ވަޒީރުން މަޖިލީހަށް ހާޒިރު ކުރި ނަމަވެސް ސުވާލަށް ޖަވާބު ނުދެއްވާތީ އޭނާ ކަންބޮޑުވުން ފާޅު ކުރެއްވި އެވެ. މެންބަރު ސަމީރު ވިދާޅުވީ ރަށްރަށުގައި ހޮސްޕިޓަލް ތަރައްގީ ކުރުމަށް ވަޅުތައް ކޮނެފައިވާ ކަމަށާއި، އެވަޅުތަކުގައި މަދިރި އާލާވާމުންދާ ކަމަށެވެ. މަޝްރޫއުތައް އިސްކަން ދިނުމުގެ ބަދަލުގައި ޕީއެންސީ އާއި ސަރުކާރު ޕްރޮމޯޓް ކުރުމަށް މަސައްކަތް ކުރާ ކަމަށް ވެސް އޭނާ ވިދާޅުވި އެވެ.