ސްޕެއިނާއެކު ވިޔަފާރި ހުއްޓާލަން ޓްރަމްޕް އަމުރުކުރައްވައިފި

އެމެރިކާގެ ރައީސް ޑޮނަލްޑް ޓްރަމްޕް ވަނީ ނޭޓޯގެ މެންބަރު ގައުމެއް ކަމަށްވާ ސްޕެއިނާއެކު ކުރާ ހުރިހާ ވިޔަފާރީގެ މުއާމަލާތްތަކެއް ވަގުތުން ހުއްޓާލުމަށް އަމުރުކުރައްވާފައެވެ. ޔޫރަޕިއަން ޔޫނިއަންގެ ގަވާއިދުތަކާއި ހިލާފުށި ވިޔަސް ޓްރަމްޕް މި ފިޔަވަޅު އެޅުއްވީ ދިފާއީ ހަރަދުތަކާއި އީރާނު ހަނގުރާމައާ ގުޅިގެން އުފެދިފައިވާ ނުތަނަވަސްކަން އިތުރަށް ބޮޑުވަމުންދާ ދަނޑިވަޅެއްގައެވެ. ނޭޓޯ ސަމިޓުގެ ތެރެއިން ޓްރަމްޕް ވަނީ ސްޕެއިނަކީ "ވަރަށް ކަމުނުދާ ބައިވެރިއެއް" ކަމަށް ސިފަކުރައްވައި، އެ ގައުމާ ދެމެދު އޮތް ހިޔާލުތަފާތުވުންތައް އަލުން އާކުރައްވާފައެވެ. ނޭޓޯގެ އާ އުސޫލުގެ ދަށުން، ޖީޑީޕީގެ ފަސް އިންސައްތަ ދިފާއީ ހަރަދަށް ކަނޑައެޅުމަށް ސްޕެއިނުން ދެކޮޅު ހެދުމާ ގުޅިގެން ޓްރަމްޕް މިފަދަ އަމުރެއް ނެރުނީ ދެވަނަ ފަހަރެވެ.