ސީއޭ މޯލްޑިވްސް އާއި އެލައިޑް އިންޝުއަރެންސް އެކުވެއްޖެ

އެކައުންޓިން ދާއިރާ ކުރިއެރުވުމަށާއި މެންބަރުންގެ އިނާޔަތްތައް އިތުރުކުރުމަށް ސީއޭ މޯލްޑިވްސް އާއި އެލައިޑް އިންޝުއަރެންސް ކޮމްޕެނީ އޮފް ދަ މޯލްޑިވްސް ގުޅިގެން އެއްބަސްވުމެއްގައި ސޮއިކޮށްފިއެވެ. މި އެއްބަސްވުމުގެ ދަށުން ޕްރޮފެޝަނަލް ޑިވެލޮޕްމަންޓާއި މައުލޫމާތު ހިއްސާކުރުން ފަދަ ކަންކަމުގައި ގުޅިގެން މަސައްކަތް ކުރާނެއެވެ. މީގެ އިތުރުން މާލީ ދާއިރާގެ ދެފުށް ފެންނަ މިންވަރު އިތުރުކުރުމާއި ރާއްޖޭގެ މާލީ ސިނާއަތް ކުރިއެރުވުމަށް ބޭނުންވާ މަސައްކަތްތައް ކުރިއަށްދާނެއެވެ. މި އެއްބަސްވުމުގެ ދަށުން ސީއޭ މޯލްޑިވްސްގެ މެންބަރުންނަށް ލައިސަންސް ހޯދުމަށް ބޭނުންވާ ޕްރޮފެޝަނަލް އިންޑެމްނިޓީ އާއި ހެލްތު އަދި ޓާމް ލައިފް ކަވަރޭޖް ފަދަ ހާއްސަ ފައިދާތަކެއް ލިބިގެންދާނެއެވެ.