ނޭޓޯ: އީރާނަށް އެމެރިކާއިން ދިން ހަމަލާތަކަކީ "ކޮންމެހެން މުހިންމު" ހަމަލާތަކެއް

އީރާނަށް އަމާޒުކޮށް އެމެރިކާއިން އަލަށް ދޭން ފެށި ހަމަލާތަކަކީ "ކޮންމެހެން މުހިންމު" ހަމަލާތަކެއް ކަމަށް ނޭޓޯގެ ސެކްރެޓަރީ ޖެނެރަލް މާކް ރޫޓާ ވިދާޅުވެއްޖެ އެވެ. ހުރްމުޒް ކަނޑުއޮޅިން ދަތުރުކުރި ތެޔޮ އުފުލާ ތިން ބޯޓަކަށް އަމާޒުކޮށް އީރާނުން ހަމަލާދިނުމާ ގުޅިގެން، އެމެރިކާގެ އަސްކަރިއްޔާއިން ވަނީ އަންގާރަ ދުވަހު އީރާނަށް ވަރުގަދަ ހަމަލާތަކެއް ދޭން ފަށާފަ އެވެ. މި ނިންމުންތަކުގެ ސަބަބުން މިހާރުވެސް ނާޒުކު ފައްތަރެއްގައި އޮތް ހަމަލާބަދަލުކުރުން ހުއްޓާލުމުގެ އެއްބަސްވުމަށް ވަނީ ބޮޑެތި ގޮންޖެހުންތަކެއް ކުރިމަތިވެފަ އެވެ. ނޭޓޯގެ އިސްވެރިންގެ ސަމިޓުގެ ކުރިން ނޫސްވެރިންނާ ވާހަކަދައްކަވަމުން ރޫޓާ ވިދާޅުވީ، ހަމަލާބަދަލުކުރުން ހުއްޓާލުމުގެ އެއްބަސްވުމަކަށް އައިސްފައި ވަނިކޮށް އީރާނުން އެ އެއްބަސްވުމާ ޚިލާފުވަމުންދާ ނަމަ، އެމެރިކާއިން ވަރުގަދަ ރައްދެއް ދިނުމަކީ ނުހަނު މުހިންމު ކަމެއް ކަމަށެވެ.