އީރާނުގެ ތެލުގެ ސިނާއަތަށް ދިން ލުއިތައް އެމެރިކާ އުވާލައިފި

އީރާނުން ހުރްމުޒް ކަނޑުއޮޅީގައި ހިންގަމުންދާ އަމަލުތަކަކީ ބަލައިގަނެވޭނެ ކަންތައްތަކެއް ނޫން ކަމަށް ބުނެ، އެ ގައުމުގެ ތެލުގެ ސިނާއަތަށް އަޅާފައިވާ ދަތިކުރުމުގެ ފިޔަވަޅުތަކަށް ވަގުތީ ގޮތުން ދީފައިވާ ލުއިތައް އެމެރިކާ އުވާލައިފި އެވެ. މިދިޔަ ޖޫން މަހު އިއުލާންކުރި މި ލުއިތަކުގެ ދަށުން، އީރާނަށް ސާފުނުކުރާ ތެލާއި ތެލުގެ އުފެއްދުންތައް އުފައްދައި، ވިއްކައި އަދި އެކްސްޕޯޓް ކުރުމުގެ ހުއްދަ އަންނަ އޯގަސްޓް މަހުގެ 21 ވަނަ ދުވަހުގެ ނިޔަލަށް އޮތީ ދީފަ އެވެ. އެމެރިކާގެ އޮފިޝަލަކު ވިދާޅުވީ، އެ ސަރަހައްދުގައި އީރާނުން ހިންގި އަމަލުތަކަކީ އެމެރިކާއަށް އެއްވެސް ހާލެއްގައި ބަލައިގަނެވޭނެ ކަމެއް ނޫން ކަމަށާއި، އެކަމުގެ ނަތީޖާއާ އެ ގައުމުން ކުރިމަތިލާން ޖެހޭނެ ކަމަށެވެ.