ހުޅުމާލޭގައި މަގުތަކުގައި ޕާކްކޮށްފައިވާ އުޅަނދުތައް ޓޯކުރަން ފަށައިފި

ހުޅުމާލޭ މަގުތަކުގައި ހިނގާ މީހުންނަށް ހާއްސަކޮށްފައިވާ ތަންތަނުގައި ޕާކްކޮށްފައި ހުރި އުޅަނދުތައް ޓޯކުރަން ފުލުހުން ފަށައިފި އެވެ. ހިނގަން ހާއްސަކޮށްފައިވާ ދުވާރުތަކާއި ސަރަހައްދުތަކުގައި ކުޑަކުދިންގެ ޕްރޭމާއި ވީލްޗެއާ ފިޔަވައި އެހެން އުޅަނދެއް ޕާކްކުރުމަކީ މަނާކަމެކެވެ. މިކަމުގެ ޝަކުވާ ބޮޑުވެފައިވަނިކޮށް ފުލުހުން ވަނީ އެގޮތަށް ޕާކް ކޮށްފައި ހުރި އުޅަނދުތައް ޓޯ ކުރުމުގެ މަސައްކަތް ފަށައިފަ އެވެ.