އަރަބިއްޔާ ސްކޫލްގެ މަސައްކަތް ނޮވެމްބަރުގެ ނިޔަލަށް ނިމޭނެ

އަލަށް އިމާރާތްކުރާ އަރަބިއްޔާ ސްކޫލުގެ މަސައްކަތްތައް ތާވަލާ އެއްގޮތަށް ކުރިއަށްދާ ކަމަށާއި، މިއަހަރުގެ ނޮވެމްބަރު މަހުގެ ނިޔަލަށް އެ މަސައްކަތްތައް ނިންމާލެވޭނެ ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެއެވެ. މިނިސްޓަރު މިހެން ވިދާޅުވީ ރައްޔިތުންގެ މަޖިލީހުގެ މިއަދުގެ ޖަލްސާގައި ކުރެއްވި ސުވާލަކަށް ޖަވާބު ދެއްވަމުންނެވެ. މިނިސްޓަރު ވިދާޅުވީ މިގޮތަށް އެކި ތަންތަނަށް ކުދިން ބަހަމުން ދިއުމުގެ ސަބަބުން ސްކޫލަށް ވަރަށް ނޭދެވޭ އަސަރުތަކެއް ކޮށްފައިވާ ކަމަށެވެ. ނަމަވެސް މިހާރު ސްކޫލްގެ މަސްލަހަތުވެރިންގެ އެދުމާ އެއްގޮތަށް، ސްކޫލަށް ޚާއްޞަ ބިމެއް ކަނޑައެޅި، ފެންވަރު ރަނގަޅު އިމާރާތެއް ބިނާކުރުމުގެ މަސައްކަތް ބާރުސްޕީޑުގައި ކުރިއަށްދާ ކަމަށް ވިދާޅުވިއެވެ.