ތެޔޮ އުފައްދާ މިންވަރު އިތުރުކުރަން އޯޕެކް ޕްލަސް އިން ނިންމައިފި

އެމެރިކާ އާއި އިސްރާއީލުން އީރާނާ ދެކޮޅަށް ކުރި ހަނގުރާމައިގެ ސަބަބުން ހަކަތައިގެ ބާޒާރަށް އައި ލޮޅުންތަކަށް ފަހު، ބާޒާރު އަލުން އިއާދަވާން ފެށުމާއެކު ތެޔޮ އުފައްދާ މިންވަރު އިތުރުކުރުމަށް އޯޕެކް ޕްލަސްގެ މެންބަރު ގައުމުތަކުން ނިންމައިފި އެވެ. އަންނަ އޯގަސްޓް މަހުން ފެށިގެން ދުވާލަކު 188،000 ފީފާ ތެޔޮ އިތުރަށް އުފެއްދުމަށް ހަތް ގައުމަކުން ނިންމާފައިވެ އެވެ. މިއީ 2023 ވަނަ އަހަރު ތެޔޮ އުފައްދާ މިންވަރު މަދުކުރުމަށް ނިންމި ނިންމުން މަޑުމަޑުން ބަދަލުކޮށް، މި ހަތް ގައުމުން ޖެހިޖެހިގެން ތެޔޮ އުފެއްދުން އިތުރުކުރި ފަސްވަނަ މަހެވެ. ހާލަތު އިތުރަށް މުރާޖައާ ކުރުމަށްޓަކައި އަންނަ އޯގަސްޓް މަހުގެ ދެވަނަ ދުވަހު އަލުން ބައްދަލުކުރުމަށް ނިންމާފައިވެ އެވެ.