ބޮސް އަކީ ކާކުކަން ނަތަންޔާހޫ އަށް އިނގޭނެ: ޓްރަމްޕް

އިޒްރޭލްގެ ބޮޑު ވަޒީރު ބެންޖަމިން ނަތަންޔާހޫއާ ދެމެދު އޮންނަ ގުޅުން ވަރަށް ރަނގަޅު ކަމަށާއި، ބޮސް އަކީ ކާކުކަން ނަތަންޔާހޫ އަށް ވަރަށް ރަނގަޅަށް އެނގިވަޑައިގަންނަވާނެ ކަމަށް އެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ. ޓްރަމްޕް މިހެން ވިދާޅުވެފައި ވަނީ، ނަތަންޔާހޫ އެމެރިކާ އަށް ކުރައްވަން ހަމަޖެހިފައިވާ ރަސްމީ ދަތުރުފުޅާ ގުޅޭ ގޮތުން އެކްސިއޯސް ނޫހަށް ދެއްވި ޚާއްސަ ބަސްދީގަތުމެއްގައި އެވެ. ޓްރަމްޕް ވިދާޅުވި ގޮތުގައި، ނަތަންޔާހޫ އެމެރިކާ އަށް ވަޑައިގަންނަވާނީ ތުރުކީގައި އޮންނަ ނޭޓޯ ސަމިޓަށް ފަހު އެވެ. އެގޮތުން ޖުލައި މަހުގެ ހަތް ވަނަ ދުވަހުން އަށް ވަނަ ދުވަހަށް އޮންނަ ނޭޓޯ ސަމިޓަށް ފަހު، ޓްރަމްޕް އެނބުރި އެމެރިކާ އަށް ވަޑައިގެންނެވުމުން، ނަތަންޔާހޫ އެމެރިކާ އަށް ވަޑައިގަންނަވާނެ އެވެ.