ސަރުކާރާއެކު ކަސްޓަމްސްގައި ވައްކަން އިތުރު: މެންބަރު ޣަފޫރު

ހަނިމާދޫ ދާއިރާގެ މެންބަރު އަބްދުލް ޣަފޫރު މޫސާ (ގަޕޯ) ވިދާޅުވީ ރައީސް މުއިއްޒުގެ ސަރުކާރު އައިފަހުން ކަސްޓަމްސްގައި ވައްކަން އިންތިހާއަށް އިތުރުވެފައިވާ ކަމަށެވެ. ވަގަށް އެތައް ކޮންޓެއިނަރއެއް ބޭރުވެގެން ގޮސްފައިވާ ކަމަށާއި، މަދު ހާލަތެއްގައި އަތުލައިގަނެވޭ ކޮންޓެއިނަރުތަކުގެ މައްސަލަތައް ވެސް ކުރިއަށް ނުދާ ކަމަށް އޭނާ ވިދާޅުވި އެވެ. ސިނގިރޭޓްގެ މައްސަލައަށް އިޝާރާތް ކުރައްވައި މެންބަރު ޣަފޫރު ވިދާޅުވީ ކަސްޓަމްސްއަށް ލިބޭނެ ކަމަށް އަންދާޒާ ކުރި އާމްދަނީ ގާތްގަނޑަކަށް ދެ ބިލިއަން ރުފިޔާ ނުލިބޭ ކަމަށެވެ. މީގެ އިތުރުން ވޭޕް ބޭން ކުރުމުގެ ނަތީޖާއެއް ގޮތުން ވަގު މާކެޓެއް އުފެދިފައިވާ ކަމަށާއި، ދައުލަތުގެ ނިޒާމުގެ ބޭރުން ބޮޑު ފައިދާއެއް އެހެން ބަޔަކަށް ލިބޭ ކަމަށް އޭނާ ވިދާޅުވި އެވެ.