ޔާމީން: އަޅުގަނޑު ޖަލަކަށް ނުލެވޭނެ

ކުރީގެ ރައީސް އަބްދުﷲ ޔާމީން ވިދާޅުވީ ރާއްޖޭގައި ދެން އުފެދޭނީ ޕީޕަލްސް ނެޝަނަލް ފްރަންޓް (ޕީއެންއެފް) ގެ ވެރިކަމެއް ކަމަށާއި، ރައީސް މުހައްމަދު މުއިއްޒު ބޭނުން ވިޔަސް އެމަނިކުފާނު ދެން ޖަލަށް ނުލެވޭނެ ކަމަށެވެ. ޕީއެންއެފްއިން ބޭއްވި ޖަލްސާއެއްގައި ޔާމީން ވިދާޅުވީ، އެމަނިކުފާނު ޖަލަށް ލައިގެން ވެރިކަން ދަމަހައްޓަން ސަރުކާރުގެ ތެރެއިން ބަޔަކު ރާވަމުން ދިޔަ ނަމަވެސް އެކަން ކާމިޔާބު ނުވާނެ ކަމަށެވެ. އަދި މުއިއްޒުގެ މަގުބޫލުކަން ދަށްވަމުންދާތީ، ކައިރީގައި ތިބި އައުވާނުންނަށް ހިތްވަރު ދިނުމުގެ ގޮތުން މިކަހަލަ ވާހަކަތައް ފަތުރަމުންދާ ކަމަށް އެމަނިކުފާނު ތުހުމަތު ކުރެއްވި އެވެ. ރައީސް ޔާމީން ވިދާޅުވި ގޮތުގައި، އެމަނިކުފާނާ ދެކޮޅަށް ހިންގާ ސިޔާސީ ދައުވާތަކުން ސަލާމަތްވެ، ކޯޓުތަކުން އިންސާފު ލިބޭނެ އެވެ.