ބޯހިޔާވަހިކަމަކީ ވަކި މީހަކަށް ވީތީ ދޭނެ އެއްޗެއް ނޫން: ރައީސް

މި ސަރުކާރުން ދޫކުރާ ފްލެޓާއި ގޯއްޗަކީ ވަކި މީހެއްގެ މީހަކަށް ވީތީ ދޭނެ އެއްޗަކަށް ނުވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ. ފްލެޓް ލިބޭ މީހުންގެ ލިސްޓު ނެރުމުގެ މަސައްކަތް އެއްވެސް ނުފޫޒެއް ނެތި ކުރަމުންދާ ކަމަށާއި، މީގެ ކުރިން ފްލެޓް ލިސްޓަކީ ނުފޫޒުގެ ތެރެއިން ވަކި ބަޔަކަށް ދޫކޮށްފައިވާ އެއްޗަކަށް ވިޔަސް، މި ސަރުކާރުން މަސައްކަތް ކުރާނީ އެންމެ ހައްގުވެރިންނަށް ބޯހިޔާވަހިކަން ދިނުމަށް ކަމަށް ރައީސް ވިދާޅުވި އެވެ. މި ސަރުކާރުން ބޯހިޔާވަހިކަން ދޫކުރާނީ އެކަމަށް އެދި ކުރިމަތިލާފައިވާ މީހުން ދީފައިވާ މައުލޫމާތުތައް ކަށަވަރުކުރުމަށް ފަހު ކަމަށާއި، މިއަހަރުގެ ތެރޭގައި ލިސްޓް އާންމު ކުރެވޭނެ ކަމަށް އުއްމީދު ކުރައްވާ ކަމަށް ވެސް ރައީސް ވިދާޅުވި އެވެ.