ޚަބަރުތަކުގެ ހުލާސާ: މުއިއްޒުއާ ގުޅޭ ބަޔާން ޑިލީޓުކުރުން

ރައީސް މުއިއްޒު ހައުސިން މިނިސްޓަރުކަމުގައި ހުންނެވިއިރު، ކޮރަޕްޝަންގެ ތުހުމަތުގައި އޭސީސީއަށް ހާޒިރުކުރުމުން އެމަނިކުފާނު ދެއްކެވި ވާހަކަތަކަށް ރައްދުދީ އެ ކޮމިޝަނުން ނެރުނު ބަޔާނެއް ވެބްސައިޓުން ފޮހެލައިފިއެވެ. މީގެ އިތުރުން، އެމްއޭސީއެލް އަށް ލިބޭ ޑޮލަރު ޕީއެންސީއާ ގުޅުން ހުރި ފަރާތްތަކަށް އަގުހެޔޮކޮށް ވިއްކާ ކަމަށް ކުރެވޭ ތުހުމަތުތައް ސަރުކާރުގެ ތަރުޖަމާނު ވަނީ ދޮގުކުރައްވާފައެވެ. އަދި އަދަދު ނޫހުގެ "އައިޝާ" ޑޮކިއުމެންޓްރީއާ ގުޅިގެން ނެރުނު ގެގް އޯޑަރުގެ އިސްތިއުނާފު މައްސަލައިގެ ތެރެއަށް ވަނުމަށް ބާ ކައުންސިލުން ވަނީ ހައި ކޯޓުގައި އެދިފައެވެ.