އައިކެއާ އާއި ޒައިސް ގުޅިގެން 'ޒައިސް ވިޝަން އެކްސްޕާޓް' ގެ ޚިދުމަތް ރާއްޖެއަށް

ލޮލުގެ ފަރުވާ ދޭ އައިކެއާއިން ވަނީ ލޮލުގެ ޓެކްނޮލޮޖީގެ ދާއިރާގައި މަޝްހޫރު 'ޒައިސް' އާއި ގުޅިގެން ރާއްޖޭގެ 'ޒައިސް ވިޝަން އެކްސްޕާޓް' ގެ ގޮތުގައި ހަމަޖައްސައިފަ އެވެ. މި ޕާޓްނާޝިޕްގެ ސަބަބުން ދިވެހިންނަށް ދުނިޔޭގެ ފެންވަރުގެ ލޮލުގެ ފަރުވާ އާއި ޒަމާނީ ލެންސް ޓެކްނޮލޮޖީ ފޯރުކޮށްދޭނެ އެވެ. މި ޕާޓްނާޝިޕް އިޢުލާނުކުރުމުގެ ގޮތުން ހެލްތު މިނިސްޓަރު ވަނީ 'ޒައިސް ވިޒްފިޓް' ޑިޖިޓަލް މެޝިން އިފްތިތާހުކޮށްދެއްވާފަ އެވެ. މި ޕާޓްނާޝިޕްގެ މައިގަނޑު އަމާޒަކީ ދިވެހިންގެ ލޮލުގެ ދުޅަހެޔޮކަން އިތުރުކޮށް، ދުނިޔޭގެ ފެންވަރުގެ ޚިދުމަތްތައް ފަސޭހައިން ލިބޭނެ މަގު ތަނަވަސްކޮށްދިނުމެވެ.